45

Pieza klabe bat

Osorik naiz burua, osorik sena,

atezain bat, detektibetik ezer ez duena.

Hurbiltzaileak urrezko hortza dauka,

diplomazia: “Pieza klabe bat zara,

Agurtzane”. Xake-taula bat ekarri dit

gogora. Trakean airea trabatu zait

zera… zera ahoskatzean:

“Bigarren urtea baino ez dut hemen.

Ez ditut kontrolatzen ikasleak”.

Eta berak: “Honako hauek dira

gure puntu kardinalak: zerbitzua,

konfiantza, konpromisoa, legea”.

Eta nik kazetari izan nahi nuen gaztetan.

Azken klasearen txirrina uluka ari da

goseak hildako patari bat bezala.