104

Bisita sorpresa

Bainu beroa prestatu dut

xaboi apartsuz,

           gatz mineralez,

                    olio usaintsuz.

Lurrunez bete da komuna, erdi itzaletan.

Baina atea jo dute juxtu orduan.

            “Amaia? Zabalduko duzu?”.

Erantzunik ez.

Albornoza harrapatu. Ilea hala moduz bildu.

                   Oinak ris-ras arrastatu.

Irati Beraza dago atean,

mingainean amu bat,

ahoa itxi-irekiz, arrain mutua.

Burbuila bat lehertu da.

Pilpilka nago.

Besoa atera dut telefonoa hartzeko

:

amorante frantsesa, amorante frantsesa.