121

Xomorroa zirrikitutik azaldu

Hodeiek katu-oinatzen itxura daukate.

            “Hil zen egunean deitu egin zidan.

            Funikular aldean geratu ginen.

            Test horietako bat zekarren, positibo”.

Azaldu da zirrikitutik xomorroa.

            “Esan nion ez esateko ezer inori.

            Negar batean zegoen, besarkatu egin nuen.

            Azken aldia, azken aldia eskatu zidan”.

Txatar mordoa da erretolika hori.

            “Larrua jo genuen, bai, basoan bertan.

            Baina gero damutu egin zitzaion.

            Intensita jartzen zen, histerika bat zen...”.

Baietz Mauri jaten eman bere arrautzak.

            “Arineketan alde egin zuen, txakurrarekin.

            Txakur bat ateratzen zuen, kariñoa zion.

            Ez nion jarraitu, benetan, benetan”.

Abade bat-edo eskatzekotan nago.