4

Bi itsas izar mutilatu

7:40 puntuan.

Oraindik ez da inor lanera etorri.

Neu izaten naiz beti aurrena.

Egunkarian, izen-abizenen inizialak

—I.B.—

bi itsas izar mutilatu egin zaizkit.

Artxandaren magalean topatu omen du

onddotan zebilen batek

:

ubeldurak aurpegian,

                   sexu-harreman ebidentziak,

                            kaskezurra pitzatuta,

                                                arropan txakur-ileak.

Irati Beraza gure ikaslea zen.

Kafe hutsa atera dut makinan

:

mingotsari mingotsa.