1

Nire fitxa

Nire obsesioa beti izan dira ateak eta giltzak.

Beti?

Ez, beti denbora larregi da

:

bizitza bakar batean

bizitza bat baino gehiago biltzen dira.

Nire oraingo bizimoduak aldaketa bat du erroa.

Lehen burmuin itsua nintzen;

orain ez dit iruzurrik egingo

berezi sentiarazten didan ezerk.

Agurtzane dut izena

eta

atezaina naiz ikastetxe publiko batean.

Lehengo Agurtzane egarri orokor batek mugitzen zuen;

oraingoak ez du ia jakingurarik.

Lehengo Agurtzanek barra-barra zerabilen konfiantza;

oraingoak burdina goriz ditu markatuta lagunak.

Lehengo Agurtzaneri zizt egiten zioten eltxoek udan;

oraingoari ihesi.

Zikoina baten antzeko ikusten naiz,

neure burua lekualdatuz lur epelagoen bila.