114

Ehiztari ehizatuak

Ekintza zibiko eredugarri bat filmatu dut

:

salabardo bat ahate despistatu bat bahitzen.

Daniel Boone eta konpainia ehiztari ilegalak dira.

Hortik ahateak gizendu nahia.

            Hortik autoa segika gauean.

                        Hortik hain gustu txarreko pintada.

Zelan jaten dituzten, nahiago ez jakin.

Gisatuan erre-egosita?

                 Magret gisa? Edo confita?

                               Laranja-saltsatan bustita?

Mangatik tiraka izan dut ahizpa,

erbinudeen pare biok, sastraketan ostenduta.

            “Kon tuz! Pa ko de a bru a da e ta”.

            “Ezagutzen duzu agure hori?”.

            “Fi res to ne ko guar dia ze na!

            Ze lan dei tzen zi on ai tak? Bai, nes ka!”.

Ai, ahateak! Ai, arratoiak!

Bukatu zaizue buffet debaldekoa.