111

Ommm…

Eguzki-eguzkia Lekeitioko hondartzan.

Ordu bata.

Ur ertzean algak eta lazun bat,

kurlintek erdi janda.

Agian honetan datza zahartzea

:

mareak uzten duen markari behatzean.

Sakon hartuko dut arnasa,

unibertsoko soinurik askatzaileena eginez

hatz erakusle eta lodien mamiak batuta.

Andre lepo-konkor bat dabil harago.

Ez da izango… Miren Agur Meabe!

Beste bat ematen du, ba, telebistan.

Irati bihotzekoa, gaur zure omenez

txipiroiak jango ditut portuan.

Tintan, zelan ez.