98

Kortesiazko keinu bat?

Hurbiltzailearen audio bat daukat,

Josu Cantera jaun jatorrarena.

Segituan itzuli diot deia,

aztoratuta zeukalako arnasa.

Adeitsua da gizona, ezin ukatu,

eta ni, antza, modan nago.

Ez dakit ez hasi, ba, pentsatzen

interes gehiago duela niganako

ikerketan aurreratzeko baino.

“Kaixo, Agurtzane, zer giro?

Gazteei buruzko berririk?”.

Errutinazko deia omen da hau,

kortesiazko keinu normal bat.

Eskatuko al diot laguntzeko

—kortesiazko keinu bat—

nire hormako Banksy topatzen?

Gure solas lasaia amaitzerako,

propina bat eman dit mamurtzeko.

“Ez dirudi bortxatua izan zenik”.

Nire zeregina ez da, baina, ikertzea.

Aditu, mutis egin eta segi aurrera.