50

Zorion paperezkoa

Ukondo joka zabaltzen dugu pasoa,

Marveleko superheroinesen pare.

Amaiak miretsita behatzen die

liburu toneladei,

            horma-irudi, diskoei,

                         sortzaile parraplasei.

            “Zo ri on tsu ak e ma ten du te”.

Bai, zoragarria izan behar da

edozein idazlerentzat

une zehatz hori

non bere estiloa

besteenetik bereiztea lortzen duen.

Tira, Agurtzane, izan zaitez libreagoa.

Bat-batean, eskutik tiraka hasi zait.

            “Go a zen he men dik!

            Ni re i ze na e san du te al ta bo ze tik.

            A ma ia O le a U rres ti,

            A ma ia O le a U rres ti.

            Ez du zu en tzun? Zer e gin dut nik?”.

Saldotik banatutako zebra bat legez hasi da arrapataka.

Zebrak zuri-beltzez kamuflatzen dira sabanan.

Zebrek sigi-saga egiten diete harrapariei ihesi.

Zebrek zutik egiten dute lo.