11

Paradisuaren atea

Irati Berazaren amak eskerrak eman dizkigu.

Tutorea, zuzendaria eta hirurok joan gara.

Sarreran, margolan bi

:

kanpanula zuri bat,

                    kanpanula lila bat.

            “Berak eginak.        Georgia O’Keeffe, bai.

            Gure erretratuak.        Hala esaten zuen”.

Salan, intsentsu-usaina

:

apainketa minimala,

                   rollo zen espirituala.

            “Nahi duzue        bere logela ikusi?

            Ertzainek        portatila eraman dute”.

Logela grisez margotuan, argazkiak

:

ama-alabak jaietan,

         kuadrilla Zazpi Kaleetan.

            “Biolina zorrotik kanpo,        hori beti.

            Pelutxeak, makillajeak…        Bera falta”.

Oheburuan, deklarazio bat

:

nire paradisuak ez dauka aterik