33

Espainiako Erregearen zain?

Kalifornian jaioa,

                        laurogeitaka urte,

                                                betaurreko meheak

Diane Wakoski serio Wikipedia ernean.

Udaltegiko liburuzainak ekarri dit liburua,

itzulpen bat

:

Esperando al Rey de España.

Ole izenburuari.

Hitzaurrean dio bere garaiko kulturan

sari miresgarria agintzen zitzaiela jaseko neskei.

Ez da izango…

Eta zer zela eta zer ez zela, premio aparteko hura?

Espainiako Erregea! (guretzat, Printze Urdina).

Azertu demasa, bai, izenarena.

            “Asko mugitzen da liburu hau?”.

            “Bosgarren mailegua da zurea.

            Ez da gutxi, poesia izateko”.

Zuk ere mailegatu al zenuen, Irati?

Baliteke orriotan zure dna egotea.