66

Plaka tektonikoak

Nola ardoa ez den

mahats mota bakar batekin egiten,

hala guk ere ez dugu

berniz-kapa bakar bat izaten.

I.B.ren koadernoko “xomorroa” metafora bat ote da

sei asteko enbrioia izendatzeko?

            “Ama-alabak        baino gehiago ginen,

            lagunak,        bi hodei paralelo”.

Ba hodeiei ere pisatzen dizkiete autopsian

giltzurrunak,

                      uteroa,

                                   garun-masa.

            “Zoratzekoa da,        zoratzekoa!”.

Amaren betartean eztanda dagi planetak

alabaren plaka tektonikoek talka egitean.