Trenak

Gauaz

itzal gorrien jiratze mantso batek

paretan trenak abiarazten zituen: lotuneen

kolpeen oihartzunek

talka egiten zuten loarekin.

Eta euriaren bideak

arin garbitzen zuen ke

beiran loditua: atergabe

zabaltzen ziren ametsak, errail

distiratsuak ibaiertzean.

Orain bueltan da

tarteka loaren erdian trumoi-hots

absurdo hura

eta iluntzeko bide mutuetan, dei egiten die

gurdietako zur mantsoari

eta odol barruari

kankateko luzeak — eta erretura zahar hura,

konboien

beldur eta amets.

Torino, 1937ko maiatzaren lehena