Elurtegiak

Izeiez bestalde bizi den

egun goren hartan izan nintzen,

ibili nintzen larre eta mendi

argizkoetan —

Aintzira hilak gurutzatu nituen — eta kantu

sekretu bat xuxurlatzen zidaten uhin

gatibuek —

ur-ertz zuriak zeharkatu nituen,

errosta lokartuei

izenez deika —

Elurretan amestu nuen

lore-hiri eskerga bat

zegoela lurpean —

mendi-gainetan izan nintzen

lore arantzadun bat bezala,

eta so geratzen nintzaien arrokei,

uharri garaiak

haizearen itsasoetan —

eta nire artean kantuan aritzen nintzen

uda urrun bati buruz, zeinak

bere errododendro mikatzekin

nire odolean zirakien —

1934ko otsailaren lehena