Aldiriak

Ilintiak zirtaka arratsean

eta txinpartatu dira

bi zigarreta putzu batean itota.

Ur-aho ilunen artean

ez du oihartzunik

zure irri gorriak:

irekitzen ditu

gizatasun primitiboaren misterioak.

Berandu gabe

hasiko da alarauka fabrikako sirena:

soslai etzanek, arineketan,

pasabideak

tarratatuko dizkiote lanbroari.

Habe-masa

ilunak: eta isiltasunaren zamak

bukatu gabeko etxeen artean

astun garamatza

lokatzetan,

azken kale-argiaren

oinetan.

Milan, 1936ko urtarrilaren 19a