Lipar batean milaka eguzki su hartuta birrindu ziren

hauts bihurtu zen milaka izarren azantza

lurra bitan banatu zen

deabru bat jalgi zen zeruetara

zeruak baino garaiagoa

perretxiko itxurako deabrua.

Odola isurarazi dugu, gure odola isuri dugu

Zergatik suntsitzen dugu? Zergatik suntsitzen gaituzte?

Nork hasi zuen

infernuko joko hau,

guk ala haiek?

Agian ez guk ezta haiek ere

Halandaze, nork hasi zuen?

Hiri batera iritsi nintzen

bertoko kaleetatik promenatzera

bertoko jendea agurtzera.

Ez zen promenatzeko kalerik

ezta agurtzeko jenderik ere...

1963