Beyazit plazan hildakoa

Hildako bat datza

     hemeretzi urteko mutiko bat

     egunak eguzkipean eta gauak ilargipean

     eman zituen

     Istanbulen, Beyazit plazan.

Hildako bat datza

     esku batean testu-liburua

     bestean trenkaturiko ametsak

     mila bederatziehun eta hirurogeiko apirila zen

     Istanbulen, Beyazit plazan.

Hildako bat datza

     tirokatu zuten

     krabelin gorri ireki baten pareko

     zauria bekokian

     Istanbulen, Beyazit plazan.

Hilik jarraituko du

     lurrera isuriko da bere odola

     nire herria

     armaturik eta askatasun kantuz

                    plaza handira

                            haren bila etortzen den arte.

1960ko maiatzean