Infernuko putzua

Seydi Fakilli deritzon herrian emakumeak ilaran putzutik ura ateratzeko zain

bata besteari soka bakarrarekin loturik

infernuko putzutik ura ateratzeko

harri aroko emakumeok lur azpian

hogeita hamar metrora dagoen putzutik ateratzen dute ura.

Ilunabarra da

lur mortuetan

ur uherra lo dago lur azpian hogeita hamar metrora.

Emakumeek ura ateratzen dute ilaran bata besteari soka bakarrarekin loturik.

Nekea baino

          tristura da

eta itxaropenik eza eta gosea.

Gizakia gizaki denetik

          idia idi denetik

                    lanabesak lanabes direnetik

                              nehork ez du antzeko madarikaziorik pairatu.

Izurriteek uzta hondatu zuten

bankariek terrazetan kafea hartzen zuten bitartean

lurra hilda dago

ur uherra lo dago lur azpian hogeita hamar metrora

ezin izan zuten 15 lirako urteko tasa ordaindu

Seydi Fakillin emakumeek ura ateratzen dute infernuko putzutik.

Atzar hadi, ene Anatolia, atzar hadi hilamets honetatik.

1962ko abuztuaren 30ean