Vera esnatzen denean

Aulkiek eta mahaiek

zutunik dagite lo

kilima ahoz gora dago

edergarriek begiak zarratuta dituzte

ispilua lo dago

leihoek guztiz zarratuta dituzte begiak

balkoia hankak dingilizka dago lo

aurrez aurre tximiniak lo daude teilatuetan

baita akaziak zintarrietan ere

lo dago lainoa

izarra sabelean

argia lo dago, etxe barruan zein kanpoan

esnatu zinen, ene maitea

aulkiak esnatu

eta bazterretan barreiatu ziren

mahaia ere esnatu zen

kilima, zutitu eta eseri egin zen

edergarriak nahieran ernatu ziren

ispilua aintzirak egunsentian legez itzartu 

leihoek euren begi urdin eta zabalak ireki zituzten

balkoiak, esnatu

eta hankak bildu zituen

aurreko tximiniei kea zerien

akaziak txorrotxioka hasi ziren zintarrietan

itzartu zen lainoa

eta sabelean zeraman izarra jaurti zuen gure gelara

argia esnatu zen, etxe barruan zein kanpoan, eta

zure ilea

zure gerri biluzia

zure oin zuriak

gainezkatu zituen.

Moskun, 1960ko maiatzean