Verari

Moskutik 110 kilometro ekialdera

Oka ibaiari ikasi dizkiot

ibaien zilarrezko kantak

atseden hartu gabe amain ematearen ederra

uretan islatzen diren ibai-barkuetako argien deia

Oka ibaiari ikasi diot

zeinen eroak ziren nire amets nostalgikoak.

Oka ibaiko udako gauak

haren harea finak eta

emakume baten gorputz biluzia

garbitzen duten nakarrak

          enbor lodietan barna irristatu dira

                    ene logelaraino.

Udako gauak, denboraren hostoak ez dira adarretatik erori

mugitu ere egin gabe izenik ezagutzen ez diedan lurraldeak bisitatu ditut.

1960ko uztailaren 16an