Banaketa baten historia

Gizonak emakumeari esan dio:

    Maite zaitut

Eta nola?:

    Bihotza beira puska baten antzera

    esku-ahurretan estutuko banu legez,

    atzamarrak odoletan

    zoro moduan

        txikitzen dudan bitartean.

Gizonak emakumeari esan dio:

    Maite zaitut

Eta nola?:

    Kilometrotako sakontasun eta mugagabetasunez

Ehuneko ehun

    Ehuneko mila

        Ehuneko ehun mila infinitu.

Emakumeak gizonari esan zion:

Ezpainekin, buruarekin eta bihotzarekin

    begiratu dut

Maitasunez, beldurrez,

zure ezpainak, burua eta bihotza agurtzeko

Deritzudan guztia zeuri ikasi dizut

murmurio bat ilunpetan

Eta gaur badakit

    lurrak

        aurpegi beltzaraneko

            amak legez

bere haurrik ederrenari

bularra ematen diola.

    Ostera, zer egin behar dut nik?

Nire adatsak hiltzera doanaren atzamarrei

loturik daude

    ezin dut burua bereizi

Zoaz,

    jaioberri honen begiei

        so eginez

Abiatu beharra duzu,

abandona nazazu.

Emakumea isildu egin zen

Elkar besarkatu zuten

Liburu bat erori zen lurrera

Leiho bat zarratu zen eta

halaxe banatu ziren.