Ogi gazia jango banu legez maite zaitut

gauez, sukarrak jota esnatu eta

                    kanilako ura edango banu bezala,

postontzi betea zabaltzen dudan eran, zer den eta nork bidali duen jakin gabe,

                    artega eta pozik,

itsasoaren gainetik lehen aldiz hegan egingo banu legez maite zaitut.

Istanbulen astiro iluntzen duelarik,

                    zer edo zerk inarrosita,

“zorionekoa ni, bizirik nagoelako” esango banu legez maite zaitut.

1960ko abuztuaren 27an