I kanta. Hildako neskatila

Neuk jo dut zuen atea

neu naiz ate guztiak jotzen ari dena

zuek, ostera, ezin nauzue begietsi

ezin baita hildako neskatila bat ikusi

Duela hamar urte luze

hil nintzen Hiroshiman

baina zazpi urte ditut oraindik

Hildako haurrek hazteari uzten diote

Lehenik ileak hartu zidan su

ondoren, eskuek eta begiek

Haizeak sakabanatutako errautsa

bihurtu nintzen

Niretzat ez dut deus nahi

Nahita ere ezingo nindukezue ondo zaindu

Paperaren antzera su hartu duen neskatila batek

ez du goxokirik jaten

Atez ate nabil:

Sinatu ezazue, sinatu ezazue

haurrek goxokiak jan ditzaten

ez ditzaten hil

1955