Gizon baten erretratua

                           1

Gizon pinpirin hark Europatik itzuli berri

artean ileari olio berdea ematen zion, zeukan adinarekin.

Gauero kafetegi batera joan eta

jabearekin hizketan errukia ematen zuen.

Hil zela jakin nuenean are errukarriago begitandu zitzaidan.

                           2

Desilusioaren kolorea altzairuaren kolorea.

Ilearen distira eta lanpararen urre kolorea ilunsentian,

lorategira irekita zegoen atetik

atera zen kanpora.

Lepondoko ilea moztu berri, eskumuturrak

eta gorputz atal guztiak urduri,

eta hotz.

Ate irekitik

sartzen zen etsipena

gupidarik gabe haizearekin batera.

Irakurketa, maitasun isila,

te beroa… horiek guztiak desagertu egin ziren

arrastiriko ortziaz batera, haizeaz batera.

                           3

Neska hura

horma barruan sartu zen.

Eta gizona gelan bakar-bakarrik

zapiaz mahaia garbitzen ari zen.