Udazken gaueko ortzia

Hori da hori zalaparta alaia han goian!

Hainbeste andrazko

ahora etorritako guztiak elkarri esaten,

baina prestu izateari utzi gabe hala ere.

            Beheko munduan udazken gaua izaki,

ortzi gainekoan, aldiz, zalaparta alaia nagusi.

Zoru leunaren gainean

urrezko argiontziak izekita daude.

Burua txiki, eta soineko barrenak luze

eta ez dago aulkirik.

            Beheko munduan udazken gaua izaki...

hori da hori argitasuna han goian!

Ortzi gaineko mundua argi lausotan...

Antzinako festa itzaltsua,

zalaparta isil-isila

ortzi gaineko munduan, gau-oturuntza.

            Beheko mundu honetatik nengoen hari begira,

eta ohartzerako suntsitu egin da.