Ilargia

Gaur gauean ilargia gero eta goibelago dago,

aitaordearen susmoaz harrituta, begi zabalik.

Segundo oro isurtzen dira zilarrezko uhinak basamortuan,

eta agurearen belarriak argi fluoreszentea piztu du.

Ai, oroimenetik kanpo geratutako ubidearen ertzak,

oroimenean laketu

tanke baten burrundarak

herdoildutako toxatik zigarroa atera eta,

malenkoniatsu pipatzen du ilargiak.

Haren inguruan ortziko zazpi neska eder

hanka-puntetan dantzan ari dira,

baina irain lorrinduan itotzen ari den ilargiaren bihotzarentzat

alferrik da hori:

ortzi urrunean izarrak trumilka zipriztindurik

Ilargia, bere borreroen eskuen zain dago.