Hasperena

Tetsutaro Kawakamiri

Hasperena gaueko zingiraraino joango da,

eta gaixotasunak dakartzan airearen baitan kliska egingo du.

Kliskak krak egingo du aiherraz isurtzean.

Ikertzaile gazteen lepondoa bezalakoak izango dira zuhaitzak.

Eguna urratzen duenean, leihoak irekiko dira horizontean.

Laboraria herri aldera joango da orgatik tiraka.

Hasperena, gero eta sakonagoa,

muino-bazterra jotzen duen orgaren hotsa bezalakoa izango da.

Zelaiaren erdian mendi-ertzetik pinu tantaiak zainduko nau.

Barrerik egiten ez duen osaba tolesgabe baten antzekoa izango da.

Egingo nuke jainkoren bat aire geruzen hondoan arrantzan ari dela.

Lainotutakoan, otiaren begi niniak ikusiko dira hondarretan,

herriak urrunean karezkoa dirudi,

Petri Handiaren begiek ñirñir dagite hodeietan.