Galdutako itxaropena

Ortzi ilunean desagertu zen

     gaztetan sutan nuen itxaropena.

Uda gaueko izarrak nola, oraindik

     ortzian, han urrutian erdikusten da.

Ortzi ilunean desagertu zen

     gaztetako ametsa, itxaropena.

Orain, hemen ahuspez natza,

     piztia baten gisan, hausnar ilunean.

Oldozte itun horrek

     atertuko duen ezin jakin.

Eta ortziko ilargiari begira,

    gauaren itsasoan itota nagoela dirudi.

Sakonegia da baga hori.

    Aratzegia da ilargi hori.

Gaixoa nire gazte denboran sutan zen itxaropena,

    jadanik joana da ortzi ilunean gora.