Heldu da garaia …

                                          Heldu da garaia, txortenean dar-dar

                                          lorea lurrintzekoa, intsentsu-ontzia bailitzan

                                                                                Charles Baudelaire

Heldu da garaia, txortenean dar-dar

lorea lurrintzekoa, intsentsu-ontzia bailitzan,

eta antzematen da haien presentzia:

ihintzetan loreena, ur-xuxurlena,

etxera presaz doan jendearena.

Ea ba Yasuko, heldu da garaia,

isilean elkarren ondoan egongo gara.

Zeru goian, urruti, txoriak hegan,

gupida xaloz gainezka, hegaz hegaka.

Ea ba Yasuko, heldu da garaia,

hesiak gero eta ilun itsuago,

isilean ortzia, gaua urdintzen ari.

Ea ba Yasuko, heldu da garaia,

kulunka dituzula ile xerloak,

lorea lurrintzekoa, intsentsu-ontzi bailitzan.