Zirkua

Garai batzuk badira izan direnak:

         eta hala, izan zen gerra uher bat.

Garai batzuk badira izan direnak:

         eta hala, neguak haize gogorra.

Garai batzuk badira izan direnak:

         gaur gauean segurua da parranda,

                  gaur gauean segurua da parranda.

Zirkuko karpa goian habe bat bada:

         bertatik trapezio bat zabuz zintzilik,

ez da bistatzen ahal trapezio hori,

buruz behera dago, beso-dindiliz,

         kotoizko sabai arre lohiaren pean.

Iuaaaan!, iuioooon!, iuiaiuion!

Haren ondo-ondoko argi zuriak

         uhal merkea bailitzan bota du hatsa,

ikusle guztiak sardinak nola,

           ostra-maskorrak legez estu arnasa.

Iuaaaan!, iuioooon!, iuiaiuion!

                        Kanpo beltzean ikatz iluna itsu,

                        gaua da, gero eta gau sakonagoa,

                        paraxut haren minez murgilduz nostalgian.

                        Iuaaaan, iuioooon, iuiaiuion!