Uda

Ahotik odola botatzen hasteko moduko aspermena, ganora eza.

Gaur ere soroetan eguzkia dir-dir, galtzuetan eguzkia dir-dir,

tristura lotiarekin, ortzian, urrun,

ahotik odola botatzen hasteko moduko aspermena, ganora eza.

Ortzia sutan, soroak zerumugaraino,

hodeiak airean, itsutzeko besteko distiraz.

Gaur ere eguzkia gori, lurra lo,

ahotik odola botatzen hasteko moduko oinazez.

Bihotzaren historia, ekaitza bezalakoa,

amaitua balitz bezalakoa,

hor neure eskuz jos dezakedan haririk ez balego bezala,

suzko eguzkiaz haratago lo dago.

Ni geldituko naiz, gorpu bihurturik.

Ahotik odola botatzen hasteko moduko oinazea, tristura.