Heraklitori glosak

                 1

Inor ez da bi aldiz erreka berean bainatzen.

Guztiz behartsuak izan ezik.

                 2

Dialektikoenak, izugarri aberatsak:

ez dira sekula bi aldiz bainatzen

bainujantzi berean.

                 3

                     (Txinerara itzulita.)

Inor ez da bi aldiz eleka-meleka berean sartzen.

(Marxista-leninistak izan ezik.)

                 4

                     (Ezkorraren interpretazioa.)

Ezer ez da berdin, ezerk

ez dirau.

             Salbu eta

Historiak eta nire herriko odolosteak:

biak odolez egiten dira, biak berriz etortzen.