Beti nahi duzuna

Dirua daukazunean, opari iezadazu eraztun bat;

ezer ez daukazunean, emadazu zure ahoaren txoko bat;

zer egin ez dakizunean, zatoz nirekin

—baina gero ez esan zertan ari zaren ez dakizula.

Goizetan egur sortak sortzen dituzu

eta lore bihurtzen zaizkizu besoetan.

Nik petaloetatik eusten dizut;

mugitzen bazara, lurrina erauziko dizut.

Baina esan dizut lehen ere:

alde egin nahi duzunean, hemen duzu atea:

Angel du izena eta negarrera ematen du.