Nire ordulari suitzarrak denbora

bere gisara dastatzeko grina zuen.

Eta hala gertatu zen

5ak zirelarik artean eta ez 6ak

ni San Marco kafetegian eseri nintzenean.

Txikikeria  zirudien, agian baita zorte-kolpe bat ere

hitzorduaren luzapen delakoa,

nahiz berak itxaroak ez zituen gogoko,

baina haren zurbiltasuna laster bihurtu zen nirea.

Zenbat luzatu behar du (ustez) azkeneko

agurrak? Ez dago Erotikako eskulibururik

jainko baten desagerpena duinki

ilustratuko duenik. Halako egoera batean,

ordulariak aurreratzea edo atzeratzea

ez da muntakoa.