Adar ingelesa

Haizeak zeinak arratsalde honetan adi jotzen baititu

—xaflen astintze bortitza du iradokitzen—

arbola sarrien musika-tresnak eta abarrak

barreiatzen baititu

argi-zirrintak aireratuz iparreko haizeak

bailiran zeruaren kontra burrunbaka

(Hodei bidaiariak, han goiko

erresuma argiak! Gailurretako Eldoradoetan

ate gaizki itxiak!)

eta itsasoak zeinak, ezkataz ezkata,

zurbil, kolorea aldatzen baitu,

apar kiribilduen erauntsi bat

lehorrera du jaurtitzen;

astiro iluntzen duen orduan

jaiotzen eta hiltzen den haizeak

arrats honetan joko bazintu zu

tresna desafinatua,

bihotza.