AUZODEFENTSA

deabruaren pareko jarri zuten lehen

unetik, jakina — bera eta baita

auzogile guztiak ere — auzoan lan

egiten zuten eragile guztien kontra jo zuten

prentsak eta poliziak — elkar gidatuz, xaxatuz

udazken hartan ekintzailea bera atxilotu zuten

eta abiada historikoan epaitu eta kartzelatu,

baita bere lagun guztiak ere,

bizilagunak, ezagunak, eta inoiz turismoaren

arriskuez hitz egitera ausartu zen

edonor — turismoaren arriskuez hitz egin zenean

entzutera baino gerturatu ez zirenak ere

auzoa militarki hartu zuten astebetez udaren

hasieran — abuztuan Aste Nagusia debekatu

zuten eta konpartsek protestak eta baimenik

bako jaiak antolatu zituztenean gogor zapaldu

zituzten gobernu aurrerakoien indarrek

uda gogorra izan zen eta denok dugu buruan

ondo gordea — askok azalean

baina gaur, atzera begira, inork ez du

zalantza egiten —

turista taldeari tiro egin eta haietako bi

hil zituenak auzoa salbatu zuen