enpleguak irakasten digu onartezina

baleko hartzen — atzo dirua

lapurtu zidaten enplegatzaile ohiek

amamak ez zuen enplegurik izan baina

lanaz nork esango du gehiago

edo hobeto?

lana eta enplegua elkarren etsaiak

dira dantza eta koreografia beste

lana maite dugu eta maite ditugu

dantza eta kanta eta istorioak

asmatzea — maite dugu eguzkitan

loak hartzea eta menditik jaisterakoan

asanbladak egitea — maite dugu elkarrekin

pentsatu eta gure amorrua antolatzea

eta maite dugu sukarrarekin dagoen

amamarekin egotea iluntzean ospitalera

joan beharko balu denborarik ez galtzeko

aititek gainean txiza egin duen

bitartean — baina aititeren fardela eta

prakak enplegatu batek aldatzen

ditu, emakume migratu batek, ez

guk [gu hau ni naiz, noski]

nahiko genuke dantza askean bizi

eta maitatu eta lan

eta horretarako asanbladak eta iluntzeak

amamaren etxean