DIEZ DE ULTZURRUN

Zure betiko tronutik altxatzean

bistaratu dizkiguzu beldurrak.

Ahuldadea duzu begietan.

Azkenik hasia nintzen

zure sinbologiaren giltzak

aurkitzen

esaten zenuenaren

eta esan nahi zenuenaren

artean zubiak eraikitzen.

Zopa hotz zegoela esaten bazenuen

gozo zegoen, kasurako.

Orain hizkuntza naturalera

zara bazkidetu

semantika klasikora.

Ez duzu jada ideia

maskaratzen

eta esku dardartiz

diostazu hurbiltzeko.

Biboteak ez dio ahoari

hormarik jartzen orain.

Gustura hartzen ez nituen

gauzen

desagerpenak

ikaratu nau.

Agur esaten ari zarela dirudi

eta suntsigarria da.