tenperaturak gora egin ahala munduak

definizioa galtzen du, sinesgarritasuna;

zuhaitz horrek kasu, ume batek

marraztutako belarria dirudi

Bartzelona datorkit gogora, lehoien

orroak unibertsitateko ikasgelarainoko

bidea aurkitzen — guk sekula ikusi ez

bagenituen ere han behar zuten lehoiek,

Ciutadellako beroan dardarizo

hura sortzen — fantasmek

bidali fantasmak ziren orrook

fantasmak zuhaitz hori lez, udagoiena

bezala, zikoinak bezala, isiltasuna

bezala, desagertze bat, esku

bat bezala — definiziorik ez dute eta

badira — ikusezin eta ukigarri —

entzumenak asmatuak, eta izan