Langile bat zuhaizpean lo

Zu, langabe, itzalean

Proletariotzaren proletarizazioak bizi gaitu

baina zu besteen aurrezkiek elikatzen

zaituzte gaur

Ez dugu soldatapeko izan

nahi, jakina, baina soilik zuk

duzu zilegi nahia asetzea

Dena dago salgai eta auzoa ez dago

salgai eta Bilbo ez dago salgai

eta gure lan indarra ez al dago

alokagai gure gorputzak nola?

Lotan datzan langile honek ez al du

bere gorputza saltzen?

Inor ez zen putarako jaio, inor ez

zen aktore izateko jaio, soldatapeko izateko ez

zen inor jaio

Gure amamak ez zuen inoiz enplegurik

izan, ez zuen jakin

berak ere oporrak har zitzakeela,

jubila zitekeela

Orain bere sukaldetik lekoratu dute

eta alienazioa deskubritu du — hau pena

ezertarako ez egotea, dio

Munduko langileok,                zaitezte!

            Gaitezen, zer?

Zer? Nik ahal dakit zer — itzalean — langabe — nik