gaixoa, dio amamak, gaixoa

hil egin da gizajoa eta ez du birbiloba

hazten ikusiko

gizajoa, hau pena ematen didana

65 urtez senarra izandakoa galdu du — gaixoa,

hil egin da,

baina apenas pentsatzen dut harekin, dio

gaixoa, dio amamak bi minutuero eta gure amak

bi minutuero aditzen dio

bi minutuero, begira egongo da gizajoa, ez du

hazten ikusiko baina ziur naiz begira

dagoela gaixoa — gure amak bi minutuero baietz,

egon ziur baietz

eta nik apenas dut buruan gizajoa, dio bi minutuero

amamak

gaixoa, gaixoa, dio