Gaur erratza pasatu dut — egongelan

            baina bereziki balkoietan.

Porrusalda kozinatu dut.

Irene Solaren liburutzarra amaitu dut.

Kafeak eta te beltza edan ditut.

Gaur mezu baten zain egon naiz.

Txirrindularitza ikusi dut eta sareetan

            internazionalismoa defendatu dut.

Madalenak amaitu ditut.

Balkoian, eguzkitan, idazten saiatu naiz gaur.

Futbolzaleen eta euskaltzaleen oihuak entzun ditut.

Gaur hazitegi xume bat prestatu dut eta landareak

            eguzkiaren atzetik mugitzen aritu naiz.

Gaur zain egon naiz.