uste nuen amildegian oinlekuak zizelkatzen

ari ginela, ilunpeari tarteak lapurtzen argi

narez, baina Eros-en sute handirik

ezean ezetz, ez duzula aurrera egingo

ez dakit nor zaren pospolo

aurkitu ez nauela diozun hori, zure

kandela estalia zeneraman eta ez

duzu bisajea agertu

ez dakit gela ilun honen itxura zein den,

sabaiko irudiak ez ditugu ikusi

ez dakit nor naizen hau dioena, nire

aurpegiak ez du argirik islatzen

onartzen dizut pospoloen kutxa

hutsik aurkitu dudala gaur