langile auzoan bi gazte errefuxiatu

diru-zorroa lapurtu nahian

emaztearen gurpildun aulkiari

bultzaka ari zen gizon edadetu

bati — ez, oihukatu diet,

lapurtuiezue aberatsei, aberatsei — eta esku

keinu batekin esan didate ados,

barkatu

aberatsen auzoan kalean biziarazi duten gizon

bat kantoi batean kaka

egiten eta ipurdia ahal zuen

eran garbitzen lurreko periodiko

zaharrekin

gauerdian zinematik irtetean hiria gurutzatu

dut etxeraino kaleak hutsik —

polizia baino ez —

poliziaz lepo kale

eta plaza eta parkeak — polizia

auzo aberatsean eta polizia

saldoak langile auzoan — baina jenderik ez,

ez langilerik ez edadeturik,

errefuxiatu edo aberatsik ez, soilik

polizia