gogoratzen duzu mandarina jaten zuen

barraskiloa? gogoratzen mandarina bera?

nola biluztu zenuen eta nola kendu zenizkion

zirujauaren zehaztasunez azal zatitxo guztiak,

hari zuri guztiak banaka-banaka —

mandarinaren autopsia egin zenuen — baina

informea konfidentziala zen

nik oroitzen dut zure hatz okerren usna

zitrikoa — nik ere izan nahi nuen barraskiloa

euripean zuk biluztutako mandarina jaten — zure

hatzen usin okerra fruituaren haragian itsatsia

oroitzen dut nola esnatu ninduzun

atzamarrak, atzamar bustiak, ahoan

sartzen zenizkidala alutik

atera berritan eta aluan barna

sartu aurretik — neguko

eguzkiaren urrina zuten

zure hatzek eta zure aluak

zure senarrak pertsianak

jaitsita egin behar du lo — nik ez