esan zizun: maitasuna ikastea

da eta ikasten ahazten dugunean

maitasuna lehortu zaigulako izaten

da eta ordura artekoak errepikatzen eta

harresiz inguratzen hasten gara, era

horretan geu babestuko garelakoan

esan zenion: maitatzea, tarteka, azkar ikastea

da, grina amultsuz ikastea, adarrak eta adaxkak,

hostoak, sustraiak haztea, hariak

eta hifak, nola muskerrek hazten

dituzten buztan berriak

esan zizun: buztan

berriak baina ez bat eta

ez bi, sugandila infinitu

bat da amodioa

esan zenion: balitz