Tel Aviveko hiritar gazteak gara

Gure asabak erraustu zituzten berba

berak aditu dizkiegu

            atzogaurbihar

gure bizilagun eta agintariei

Sutan kiskali ditugu ume arabiarrak

haien asaben etxeetatik so

            algaraka

Tel Aviveko gazte kosmopolitak

Mendebaldeko gizon-emakume

aurrerakoiak gara eta

zuen asaben dantzak ikastera gatoz,

zuen hondartzak konpartitzera,

zuen basoetan geure buruak aurkitzera

Gure agintari

eta bizilagunei ihes

zuen herrira gatoz

gure arimak aberastera