Gure adinekoen gurasoak hiltzea ez da

eguneroko kontua oraindik baina heriotza

horiek ez dute jada leku handirik hartzen

gogoan — ez nuke asmatuko esaten zein

lagunek dituen gurasoak bizirik eta zeinek

ez —

           haien umeekin bertsu — nor

izan da guraso, nor erditu da, zenbat

ditu bakoitzak — gaztetako lagun

eta ezagunen haurren jaiotzak

ez dauzkat jada oroimenean gordeta —

Gurasoak hiltzen zaizkigu — umeak

ditugu — zer ginen eta zertarako

gara garena, zirenak nor ziren jakitera

heldu ez ginenok

Artean, bidearen erdian izaten.