GRABITATEA II

...baina, bai, ordea,

zergatik ez

bada

bada hori guztiori,

ontologia zergatik pentsatu dut

epistemologia baino inportanteagoa dela

Eder izendatzen dudana ederra da

demiurgoa

           (edo goizeko funtzioko mago merkea)

naiz ni ere

nire hitzekin eta ideiekin

errealitateari forma emanez

mundua asmatuz

Ontologikoki hau zikindutako papera da

Epistemologikoki eraikitzen naiz

           borrokatzen gara

           maite zaitut

Egin bedi diodana!

Eta hara

egin egin da!

Pentsatzeko eta izendatzeko kapaz naiz

eta, beraz, munduak mugitzekoa

zulo beltzak sortzekoa

edertasuna asmatzekoa ere!