nahiko nuke hurrengo poemak —

idazten hasi naizen honek,

irakurtzen ari zarenak — nahi bat

izatea barnean — nahi arrai

bat beste nahi baten barnean

nola pentsatzen duzun halako

batean, zerk piztu duen jakin

gabe, nahiko zenukeela hura harekin

baina nola aldi berean

ikusten duzun nahi horrek ez dizula

deitzen — zuk munduratu

duzu, zuk eman dizkiozu hankak

eta zure izena — eta nola abiatzen

den nahi hori — esanekoa

baina isila — nola abiatzen eta

urruntzen den zuri behin ere

deitu gabe

nahiko nuke jada nahia

da — eta nahi guztiak dira

beste nahi batek sortuak

nahiko nuke beraz nahi dut

nahiko nukeen poema isilak

nire izena darama, eta berea —

bi izen, bietako bat nahia

baina poemak ez dit deitzen

eta data jarrita ematen diot

amaiera

2024/IV/25